Category: Uncategorized

రంగారెడ్డి, మేడ్చల్–మల్కాజ్‌గిరి జిల్లాల పరిధిలో నేడు, రేపు మోస్తరు వర్షాలు కురిసే అవకాశం ఉందని వాతావరణ శాఖ అంచనా వేసింది. ఈ నేపథ్యంలో సైబరాబాద్‌ పోలీసులు ప్రజలకు అప్రమత్తంగా ఉండాలని సూచించారు. అధికారుల వివరాల ప్రకారం, వర్షం ఎప్పుడైనా ఒక్కసారిగా ప్రారంభమయ్యే అవకాశం ఎక్కువగా ఉందని, రహదారులపై జాగ్రత్తగా ప్రయాణించాలని సూచించారు. నగరంలో ట్రాఫిక్ సమస్యలు తలెత్తే అవకాశం ఉండడంతో వాహనదారులు ముందస్తు జాగ్రత్తలు తీసుకోవాలని సూచించారు.

సిటీ వెస్ట్‌ జోన్ పరిధిలోని వివిధ పోలీస్‌ స్టేషన్ల పరిధిలో మొత్తం 1,638 మండపాల్లో వినాయక విగ్రహాలు ప్రతిష్ఠించారు. ఇందులో బంజారాహిల్స్‌ పోలీస్‌ స్టేషన్‌ పరిధిలో 274, బోరబండలో 268, మాసబ్‌ట్యాంక్‌లో 44, ఎస్‌.ఆర్‌.నగర్‌లో 239, పంజాగుట్టలో 185, ఫిల్మ్‌నగర్‌లో 215, మధురానగర్‌లో 287, జూబ్లీహిల్స్‌లో 126 విగ్రహాలు ఏర్పాటు చేశారు. ఉత్సవాల సందర్భంగా భద్రతా ఏర్పాట్లలో భాగంగా 278 మంది పోలీసు సిబ్బందిని ప్రత్యేకంగా కేటాయించారు.